ភ្នំពេញ : ស្នូរសម្លេងគ្រាប់កាំភ្លើងបានផ្ទុះឡើងជាច្រើនគ្រាប់ នៅកណ្ដាលក្រុងភ្នំពេញ នារសៀលថ្ងៃទី៥កក្កដានេះ គ្រាដែលខ្លាន់កាំភ្លើងបានចូលទៅបាញ់ប្រហារបុរសម្នាក់ស្លាប់នៅក្នុងថ្លុកឈាម ស្ថិតនៅក្នុងផ្ទះវីឡាមួយកន្លែង តាមបណ្ដោយផ្លូវ៣២២ សង្កាត់បឹងកេងកង១ ខណ្ឌបឹងកេងកង។អគ្គស្នងការនគរបាលជាតិ នាយឧត្ដមសេនីយ៍ នេត សាវឿន បានបញ្ជាកម្លាំងឱ្យចុះភ្លាមៗទៅកន្លែងកើតហេតុដើម្បីប្រមូលវត្ថុតាងនិងតាមប្រម៉ាញ់ឃាតករ ។បើតាមអ្នកឃើញហេតុការណ៍ថា ខ្មាន់កាំភ្លើងបានបាញ់រះទៅលើជនរងគ្រោះប្រមាណ១០គ្រាប់ ហើយជិះម៉ូតូគេចខ្លួនបាត់។ នៅពេលនេះសមត្ថកិច្ចជំនាញជាច្រើននាក់ បានចុះទៅដល់កន្លែងកើតហេតុ និងកំពុងធ្វើកោសល្យវិច្ច័យស្រាវជ្រាវបន្ដទៀត៕ដោយ៖ (នារីខ្មែរ).
