ភ្នំពេញៈរដ្ឋមន្ត្រីក្រសួងរ៉ែ និងថាមពល លោក ស៊ុយ សែម បានមានប្រសាសន៍កាលពីថ្ងៃពុធថា
តម្រូវការផលិតផលប្រេងនៅកម្ពុជាត្រូវបានព្យាករណ៍ថានឹងកើនឡើងដល់៤,៨ លាន
តោន ក្នុងឆ្នាំ២០៣០ ពោលគឺកើនឡើងពី ២,៨ លានតោនក្នុងឆ្នាំ ២០២០។ថ្លែងនៅក្នុង
សន្និសីទប្រេង ឧស្ម័ន និងថាមពលកម្ពុជា ឆ្នាំ២០២២ លោក ស៊ុយ សែម បានមានប្រសាសន៍ថា
តម្រូវការនឹងកើនឡើងដល់ ៨,៣ លានតោន នៅឆ្នាំ២០៤០។លោកបន្តថា៖ «ការវិនិយោគប
ន្ថែមទៀតក្នុងវិស័យនេះគឺចាំបាច់ ដើម្បីឆ្លើយតបនឹងតម្រូវការដែលកំពុងកើនឡើងនេះ»។
បច្ចុប្បន្ន កម្ពុជាបាននាំចូលផលិតផលប្រេងទាំងអស់ពីប្រទេសវៀតណាម សិង្ហបុរី និងថៃ
ដោយសារធនធានប្រេង និងឧស្ម័ននៅបាតសមុទ្រមិនទាន់ត្រូវបានគេទាញយកនៅឡើយ។
យោងតាមក្រសួងពាណិជ្ជកម្ម ប្រទេសកម្ពុជាបានចំណាយប្រាក់ចំនួន ៩៧១ លានដុល្លារ លើការន
ាំចូលប្រេងឥន្ធនៈ និងប្រេងម៉ាស៊ូតក្នុងរយៈពេល ៥ ខែដំបូង នៃឆ្នាំ២០២២ កើនឡើង ៥៧ភាគរយ
ពី ៦១៧ លានដុល្លារ ក្នុងរយៈពេលដូចគ្នាកាលពីឆ្នាំមុន។តម្លៃប្រេងនៅកម្ពុជាបានឡើងថ្លៃចាប់តាំងពីវ
ិបត្តិរុស្ស៊ី-អ៊ុយក្រែនផ្ទុះឡើងក្នុងខែកុម្ភៈ។តារាងតម្លៃប្រេងរបស់ក្រសួងពាណិជ្ជកម្មបង្ហាញថា សាំង
ធម្មតាតម្លៃ ៤៨០០ រៀល (១,១៧ ដុល្លារ) ក្នុងមួយលីត្រកាលពីថ្ងៃពុធ ខណៈប្រេងម៉ាស៊ូតតម្លៃ ៥៣០០ រៀល
(១,៣ ដុល្លារ)។តួលេខបានបង្ហាញថាតម្លៃប្រេងសាំងធម្មតានិងម៉ាស៊ូតបានកើនឡើង ៦,៦ ភាគរយ និង
២៥ ភាគរយរៀងគ្នាបើធៀបនឹងតម្លៃដែលចុះកាលបរិច្ឆេទនៅដើមខែកុម្ភៈ៕Khmer Times/ Xinhua
0
តម្រូវការប្រេងរបស់កម្ពុជារំពឹងថានឹងកើនដល់៤,៨លានតោននៅឆ្នាំ២០៣០
Filed in: សេដ្ឋកិច្ច