សៀមរាប: ក្នុងឱកាសពិធីបុណ្យភ្ជុំបិណ្ឌ រយៈពេល ៣ថ្ងៃ គិតចាប់ពីថ្ងៃទី១ ដល់ថ្ងៃទី៣ ខែតុលាឆ្នាំ២០២៤ ខេត្តសៀមរាប បានទទួលភ្ញៀវទេសចរជាតិ និងអន្តរជាតិ សរុបមានចំនួនប្រមាណ ១៨០៨៩៣នាក់ មានកើនឡើងប្រមាណ ៥០,៩២% បើធៀបនឹងឆ្នាំ២០២៣ ក្នុងនោះភ្ញៀវទេសចរជាតិសរុបចំនួនប្រមាណ ១៧៣ ០០០នាក់ កើនឡើងប្រមាណ ៥២,៧៤% ធៀបនឹងឆ្នាំ២០២៣ និងភ្ញៀវទេសចរអន្តរជាតិ សរុបចំនួន ៧ ៨៩៣នាក់ កើនឡើង ១៩,៥៥%៕
បើយោងតាមប្រភពប្រជាពលរដ្ឋនៅក្នុងខេត្តសៀមរាបនិងតាមអ្នកដំណើរកំសាន្តទេសចរណ៍ក្នុងស្រុកបាននិយាយថាដោយសារមានការយកចិត្តទុកដាក់ពីឯកឧត្តមរដ្ឋមន្ត្រីក្រសួងទេសចរណ៍គឺមានការកើនឡើងនៅភ្ញៀវទេសចរណ៍ជាតិនិងអន្តរជាតិនាឱកាសបុណ្យភ្ជុំបិណ្ឌកន្លងផុតទៅថ្មីៗនេះ៕